Kopalnia Wiydzy.
Wikipedyjŏ na szychcie

Wikipedyjŏ złazi pod ziymia – richtich!

Już 4 paździyrnika 2025 na grubie Guido we Zŏbrzu baje jedyn ze nojbarzij zimbolicznych ewyntōw ôd jubilejuszu 20-leciŏ, kery fajruje Stowarzyszenie Wikimedia Polska.

We sercu ôd Gōrnygo Ślōnska, 320 myjtrōw pod ziymiōm, wikipedysty a wikipedystki bydōm sie ansztryngować nad ôsobliwym zadaniym – sprowianiym Wikipedyje we postrzodku dŏwnyj kopalnie wōngla. Ino terŏzki to niy naturalne sztofy bydōm fedrowane. Terŏzki urobkym bydzie wiydza.

Wikipedyjŏ na 320 myjtrach

Gruba Guido to je perła ôd erbizny industryjalnygo regiōnu – plac, kaj kupluje sie gyszichta ze prziszłościōm. 4 paździyrnika baje to scyna dlŏ edytōnu, to je spōlnygo sprŏwianiŏ artiklōw we Wikipedyji. Lajtmotiwym ewyntu je:

„Erbizna regiōnu i ślōnskigo wojywōdztwa”.

Edytōn be kludzōny we sztyrech gŏdkach: polskij, ślōnskij, czeskij a niymieckij, bezco wiydza ô Ślōnsku ugrŏ na zicher nowy plac we nojsrogszyj yncyklopedyji świata.

Co to je edytōn?

Edytōn (ze ang. edit-a-thon, skuplowaniy słōw „edit” i „marathon”) to tref, w czasie kerygo uczestniki cuzamyn edytujōm wpisy we Wikipedyji.

Edytōny majōm za cwek:

Prōmowaniy swobodnyj wiydzy
Przidŏwaniy inhaltu do Wikipedyji kaj brakuje
Budowaniy spōlnoty sprowiorzōw
Prōmowaniy lokalnych tymatōw a erbizny

PROGRAM

Piōntek (3 października 2025)

13:00

Abtajlung Społecznych Nauk
Ślōnskij Uniwerzitejty

(Katowice, hul. Bankowa 11 )

Ceremōnialne ôdsłōniyńcie figurki Beboka-Wikipedysty.

Ewynt ôdewrzōny, bez zapisōw.

17:30

Glywice

(Akuratny trefpunkt hned)

Historyczny spacer po Glywicach.

Sobota (4 października 2025)

9:00

Gruba Guido,
Zŏbrze

Edytōn 320 myjtrōw pod ziymiōm.

Ewynt je ôdewrzōny dlŏ Spōlnoty Wikimedyjanōw – perzōnōw, ftore sprowiajōm Wikipedyjo we polskij, niymieckij, czeskij a ślōnskij gŏdce

Czekajōm sam:

Wygodny plac kaj mogecie edytować
Napitki, maszkety a ôbiŏd
Ksiōnżkowe zdrzōdła (mogecie prziniyść tyż wasze)

ilustracyjŏ: Grzegorz Chudy

Gruba Guido – Badawczŏ Komora numera 8 – plac edytōnu.
Promocyjne matyriały ôd Muzeum Górnictwa Węglowego

Czymu ôpisywaniy regiōnu ślōnskigo we Wikipedyji sie werci?

Wikipedyjŏ je jednym ze piyrszych placōw, na kere dowōmy pozōr kedy chcymy sie cojś dowiydzieć ô interesujōncym nŏs regiōnie. To ôd inhaltu Wikipedyje idzie, eli Ślōnsk baje widziany za:

Ôstrzodek industryje ze mocōm hajerskich a hutniczych tradycyji,
Regiōn ô bogatyj kulturowyj historyji, przirodzie a baukunszcie
Plac innowacyje, edukacyje a społecznego zaangażowaniŏ
Przestrzyństwo spotrzebowowaniŏ modernych technologijōw

Wikipedysty a wikipedystki dokumyntujōm to, czego czynsto niy ma we tradycyjnych medyjach – lokalnych bohaterōw, dŏwne tradycyje, zapōminane miana miyjsc, prziroda a kultura. Skirz nich wiydza ô regiōnie stowo sie tajlōm globalnygo flusu informacyji.